va travice,
veje skače
po ravnice,
tići fiču
ba boriću,
pasić laje
va vrtiću,
muha skače
na končiću
tanke paučini,
Jože hodi
po putiće,
s rožicun na
klobučiće,
Hodi levo,
hodi desno,
na svete je
jako tesno,
Jože pijan
zašemeral,
va šenicu j’ pal,
Teta Tonka
ga j’ iskala,
pred šenicun
se j’ fermala.
Va šenice j’
Jože spal,
ma se j’ brzo,
brzo stal.
S Tonkun doma
on je šal
i prediku naslišal.
Drago Gervais
Poezija