Joh mane” se j’ Tonka stresla,
kad je va Pepinu kuću prišla,
“ka bura vane. Jezero vrazi,
po ceste praši, po kroveh gazi”.
- “Malo kafica, draga suseda,
ne šparajte cukar, ki na to gleda”.
Sede pul ognjišća, susedi i cija,
dokle bura po meste zavija.
na grdo se mala je obrnula”.
- “I čera su videli nekeg mladića
kako je skočil preko zidića”.
“A ona Vicka?” - ”Ma ki bi bil rekal,
da ju je vavek pod voltun čekal”.
“A ja”. - ”A na”. - “Još malo kafića”.
“Mačka mi čera pojila je tića”.
mogle do susveta sedet bi tako,
puli ognjišća i puli kafića ...
Za mići judi i radost mića.
Drago Gervais
Poezija